මගේ අම්මා

උදෑසන අවදිවන අම්මා

උයයි බත් අපට කන්නට

ඇයද බත් කා බැඳ ගනියි බත් මුල

ගෙන යන්නට තේ ඉඩමට....

බැඳ ගනියි දළු ගෝනිය      

පිනි වැටෙන පාන්දර,

කූඩල්ලන් පොරකයි ලේ බොන්නට

ඒත්..... කඩයි දළු දවස තිස්සෙම

හවසට ගන්නට, දවසේ පඩියම.....

අවුරුදු ගනන් දළු කඩා උස්සා දිවි බර

දැන් ඇයත් ගොස්ය වයසට

කුදු වී ඇත කොන්ද අම්මගේ

ගතම වෙහෙසා වැඩ කළ නිසාවෙන්......

අඳුරට පෙම් බැඳ ගෙනා සොච්චම

වැය කළා ඇය සේසතම ඇගේ පැටවුනට... නමුදු

ඇගේ දහඩිය, කඳුළු කැට අද

සතුටු කඳුලැලි බවට පත්ව ඇත...

එදා ඈ රැකි පුංචි දරුවන්            

වත්මනේ කරදඩු උස්ව ගිය

අනාගතේ ජය ගන්න වෙර දරන

යෞවනයන් නිසාවෙන්........